Teng ga yona go a baba

Puku ye e ngwadilwe ka Sesotho sa Leboa.Go fitile mengwa Thapelo a sena molekani a sa ithoba go sešo seo sa go la hlegelwa ke lerato la pelo ya gagwe ebile e le mmago bana ba gagwe. O ile a hwetša lekgarebe leo e be ele mongwadi wa dipuku, seopedi ebile e le ngaka ya setšo. Ba nyalane, Thapelo ka o na ngwago o we ba masepala wa bona ba ile ba ba iše mošola wa mawatle go ithuta ka tša kgwebo mengwaga ye merao. Ka morago go go phetha dithuto tša gagwe o be a na le kgetho ya go ka dula mošola wa mawatle a šoma gona eupša o ile a kgetha go tla gae go mosadi wa gawe. Ge a fihla gae ka ge yena le mosadi wa gagwe ba ile ba ba le diphaphano ba se boledišane nako ye telele go dira ke gore a be a šetšane le tša sekolo ka ge e be e le ngwa wa gagwe wa ma felelo, o hweditše a se gona ka gae. Batswa ba gagwe ba mmotša go re ngwatši ya bona o sa le a kgopela go ya go ba bona ga gabo ya be go sepela ga gagwe sa ruri. Go rongwe abuti Tahpelo go ya go kwa gore e ka ba ngwatši e swere ke eng seo se mo paledišago go boa bogadi. Ge abuti wa Thapelo a fihla o hweditše mong ditaba a se gona go na le batswadi ba ngwetši ya gabo. Go be go na le monyanya ka ga moagelwane ngwetši a ile gona go thekga monyadiwa ka ge le yena a ile a mo thekga ge a be a nyalwa. O be a ile go botsefatša monyadiwa ka ge e be le ye ngwe ya tšeo a be a kgona go di dira ka botswerere. Ge a e kwa gore ba bogadi ba tlile go kwa ka seo se mo swerego ke ge a tlo hlakahlaka. Ka phošo ye mongwe wa bana ba gagwe a re a tlo bitša mmago ngwedi a telela ke leleme a fetša a bitša ngwetši ka seo a boditšwego tsebe gokwa gore ge babogadi ba ye mmagwe a ba le go a se tsoge a se boletše e le go go bitša mmagwe a re ke mma. Ba boditšwe gore ge ba bogadi ba le gona ba swanetše go bitša mmago bona ka sesi. Abuti wa Thapelo a re go kwa se ga se a butšiša o ikgatile mehlala a boyela gae go ba botša ka tšeo a di kwelego e ka ba tlholo ya go etela sa ruri ga ngwetši ya bona. Ya ba gona go hlalana ga Thapelo le mosadi wa gagwe. Ka mora ga go hlalana le mosadi wa gagwe o ile a hlakahlakana mogopolo a ba legafa le le tala, ka mahlatse ka morago ga go phethelwa taelo a boela a ba Thapelo. Gwa wa feta nako e kae ka morago ga gore a fole ke ge a kgahlwa ke lekgarebe tsoko ka leina e le Jeany. Thapelo o ile a hwetša mošo wa nakwana go la Gauteng ka pejana mašeleng sa le gona nyala gape a ba le mokutwana, a ba le bana ba ba bedi. Ka go hloka mahlatse morago ga go šoma nakwana mošomo o ile wa fela. O ile a palelwa ke go ya gae mengwa ka morago ga go felela ke mošomo. Ge a sa kalokana a nyakana le mošomo mosadi wa gagwe o ile a kgotsana le motšwantle ba ba bitšago boMyFriend yeo a bilego le ngwa le yena. Thapelo o ile a kwa ka pudi ya tsela go re mosadi wa gagwe o kgotsane le bomyfriend. O ile a kalokana go fihlela a hwetša tšhelete ya go mo fihliša gae, a šoma mošomo wa go leta difatanaga tša bareki. Tšhelete yeo e be ele ye nnyale go ka romela ba lapa la gawe, e le ya go hlokomela ye na feela gore a se bolaye ke tlala. O be a sa tsebe gore mosadi wa gagwe o be a na le ngwana le monna yeo wa bomyfriend. Ge a fihla gae a le seferong, o tlabile ke seo a be a se bona e lego diaparo tša leseanyana, ka monaganong wa gagwe o be a nagana gore e ka ba leseanyana le ye mongwe wa gabo mosadi wa gagwe empa o rile ge a tsena ka ngwakong a bona diphetogo go mosadi wa gagwe tšeo a ilego a di bona ge ba tloba le ngwana wa mathomo tšeo mosadi wa gagwe a lekilego go ka di fihla. Ke ge a tlo thoma go mo hlaba ka dipotšišo tšeo a ba a palelwe ke go di araba go fihlela Thapelo a boela go bolwetši bjalo bja bogafa. Ge a sa hlaba Jeany ka dipotšišo a bolelela godimo, go ile gwa kwagala sello sa leseanyana. Thapelo o ile a nyaka gotseba gore le lla le le kae, Jeany a se nyake go fihlolla mo le lego, go fihlela Thapelo a mo goga bjalo ka ngwa yeo a selekilego ba ile go mo fa mošaša. Seo a se dirigilego ge a hwetša gore leseanyana leo ga le swane maAforika a gabo, se tlabile le yena mong ge kgopolo ya gagwe e boa.