Bophelo bja mohiri

Puku ye e ngwadilwe ka Sesotho sa Leboa. Mathaithai o tšwa naga magaeng a leba Petoria go yo ithuta eupša a tšeatšea ke moya o mobe wa go kgoga diokabtši. Mekgwa ya gagwe e feleditše e mo lahlela ntlwanaleswiswi mola bagwera ba gagwe bona ba atlegile dithutong.O ile a lemoga mafokodi a gagwe gomme a fetoga. Go fetoga ga gagwe go mo file maatla a gore a fe bana ba bangwe tshedimošo le maele ka ditlamorago tša bophelo bja go šomiša diokibatši. Tiragatšo ye e ithekgile tikologong ya naga setoropo , gomme e bolela ka maphelo a sebjalebjale ao a lahletšago baswa gore ba feleletše ba lahlegelwa ke ditoro. Diteng di gapeletša baswa gore ba lemoge gore diokobatši di tla ba amoga bokamoso. Tiragatšo ye e lemoša batho ka dilo tšeo di ka šitišago batho ka tša bophelo ge ba fetša mphato wa marematlou. Thutokgolo ka yona ke go bula barutwana le batho ka moka mahlo ka bophelo bja naga setoropo. Tiragatšo ye e ikemišeditše go ruta batho gore kae le kae o buna seo o se bjetšego. Tabakgolo ke go lemoša batho ka bophelo bja yunibesithi le goba mohiri. Bophelo bja goba mohiri bo nyaka maikemišetšo le maikarabelo ka ge batswadi ba se kgauswi. Morero mogolo ke go fa batho kgopolo ya gore ba tsebe gore yunibesithi le lefelo la go hira go na le mogofe wo o nyakago go utswa ditoro tša baswa. Se sengwe ke go fahlolla baswa ka mathata ao baka a hlolelago batswadi ka go phela maphelo a go se tsebalege. Molaetša o leka go hlohloletša baswa gore ba tsebe gore maphelo a yunibesithi a lekana le tumelo ka dilo tše dintši, bjalo go ba le maitshwaro le maikarabelo go bohlokwa kudu gore o kgone go o beša o tuke.